Arquitectura e decoracion interiora neoclassica ena Casa deth Senhor

Eth neoclassicisme ère un desir deth retorn ara “puresa” percebuda enes arts de Roma, ara percepcion “ideau” des arts grèques antiques e, en menor mesura, ath classicisme reneishentista deth sègle XVI, qu’auie estat ua hònt entara arquitectura barròca academica. Era arquitectura neoclassica, mès qu’enes monuments romans, s’inspire enes grècs. Gessent de França, aguest estil s’exten per tota Euròpa de forma uniforma. Ei en aguest país francés a on eth neoclassic se dividís en dus subestils: er estil Loís XVI, que s’impause ath torn der an 1760 e er estil Impèri, que vire ath torn dera figura de Napoleon. Ena Casa deth Senhor d’Arròs, datada en 1820, se pòden veir fòrça des caracteristiques arquitectoniques e decoratiues d’aguest nau estil, qu’ei de mòda en moment deth sòn projècte e bastiment.