Es targetes postaus an estat eth rebrembe des lòcs visitats.
Era Val d’Aran a estat freqüentada pes toristes des dera fin deth sègle XIX, e es editors e impressors des targetes postaus an enviat as sòns fotografs entà captar-ne imatges d’era.
Era tematica a estat diuèrsa. I a, sustot, es vistes generaus, damb es arrius e es pònts, es edificis civius e eclesiastics e es carrèrs e places des pòbles aranesi.
D'auti tèmes qu'an estat fotografiadi son es trabalhs restacadi damb eth camp e damb era pagesia e es hèstes, civius e religioses.