Un rebrembe deth lòc a on an estat crompades
Era targeta postau illustrada, que coneishem damb es nòms de postau, targeta postau o targeta de corrèu, ei ua peça rectangulara de cartolina o carton fin, hèta entà escriuer-i e èster enviada per corrèu tradicionau, sense besonh d’envolòpa.
Ara fin deth sègle XIX, era Union Postau Universau regulèc eth format des postaus. Se recomanèc qu’es sues dimensions siguessen 9x14cm. Aguest ei eth format des postaus antigues que se mantenguec enquia lèu 1960.
En envèrs, es postaus pòrten imprimit un diboish o fotografia, tot soent deth lòc a on an estat crompades, per tot aquerò son un article abituau de venta en botigues de rebrembes, quiòsqui de premsa e otèls de lòcs toristics.
A compdar de 1906, eth revèrs dera postau se sòl trapar dividit en dus mitats: era quèrra entà escríuer eth messatge e era dreta entà colar-i eth sagèth e escriuer-i era adreça deth destinatari.
