Es tretze conselhèrs generaus le vòten
Era eleccion deth Sindic d’Aran, organ deth Conselh Generau d’Aran, se celebrèc ena sedença deth alavetz Conselh Comarcau dera Val d’Aran en edifici Çò de Saforcada de Vielha.
En sòn interior se procedic ara votacion per part des conselhèrs generaus: Victor León Plana e Jaime Geli Noguero en representacion deth terçon de Pujòlo; Jesús Rodríguez Martínez e Rafael Sanmartí Alvarez en representacion deth terçon d’Arties e Garòs; José Calbetò Gimenez, Amparo Serrano Iglesias, Albert Solà Castel e Pepita Caubet Delseny en representacion deth terçon de Castièro; Santiago Vidal Ordóñez en representacion deth terçon de Marcatosa; Francesc Medan Juanmartí en representacion deth terçon de Lairissa e Pilar Busquets Medan, Emilio Medan Ané e Miquèu Almansa Calzado en representacion deth terçon de Quate Lòcs.
En tot obtier, Pilar Busquets Medan 7 vòts, ena prumèra votacion, que representen era majoritat absoluta, era Mesa d’edat la proclamèc Sindic deth Conselh Generau d’Aran.