30 ans des deth sòn restabliment
Eth 17 de junh de 2021, se celèbren es 30 ans dera restitucion deth Conselh Generau d’Aran.
Eth Conselh Generau d’Aran ei era principau institucion de govèrn dera Val d’Aran. Lo formen eth Sindic, eth Plen e era Comission d’Auditors de Compdes Constituís era estructura administratiua pròpria d’Aran restablida pera Lei 16/1990, de 13 de junhsèga, sus eth regim especiau dera Val d’Aran.
Eth 13 de hereuèr de 2015, era cramba legislatiua catalana aprove ua naua Lei d’Aran, era Lei 1/2015, del 5 de febrer, deth regim especiau d'Aran. Damb aguesta aprovacion s’articulaue eth legitim dret e era justa aspiracion d’un ampli sector dera poblacion aranesa, expressat a traués des sòns representants politics, d’assolir un major nivèu d’autogovèrn, en tot adaptar era composicion, es competéncies e eth foncionament deth Conselh Generau d’Aran as naui reptes, besonhs e aspiracions dera societat aranesa contemporanèa.
Eth Conselh Generau a competéncia enes matèries que determinen era lei reguladora deth regim especiau e era resta de leis aprovades peth Parlament e facultats qu’era lei li atribuís.
Era lengua occitana, denominada aranés en Aran, ei era lengua pròpria d’aguest territòri e ei oficiau en Catalonha, atau coma establís er Estatut d’Autonomia de 2006. Eth Conselh Generau a competéncia plena en tot aquerò que hè referéncia ath foment e ar ensenhament der aranés e dera sua cultura cossent damb es normes de caractèr generau vigentes en tota Catalonha en camp dera política lingüística e educatiua
Coneish es Competéncies deth Conselh Generau d’Aran
Coneish eth Plen deth Conselh Generau d’Aran
Coneish era Equipa de govèrn deth Conselh Generau d’Aran