Eth restabliment deth sistèma institucionau tradicionau aranés
Eth 3 d’agost de 1990, se publicaue en Diari Oficiau dera Generalitat de Catalonha num. 1326 era Lei 16/1990, de 13 de junhsèga, sus eth règim especiau dera Val d’Aran, coneishuda com a Lei d’Aran.
Aguesta lei restablie eth sistèma institucionau tradicionau aranés, eth Conselh Generau d’Aran e era figura deth Sindic d’Aran, encarnat enes istorics terçons com a principaus institucions dera organizacion administratiua pròpia dera Val d’Aran.
En restablir aguestes institucions se hèc un acte de reparacion istorica. Cau rebrembar qu’eth Conselh Generau dera Val d’Aran siguec suspenut en 1834.
Era lei tanben declarèc era oficialitat territoriau dera lengua pròpia, er aranés, e milhorèc e garantic eth sòn us e ensenhament, en tot inclodir un manament generau d’impuls dera normalizacion d’Aran